【幫緊里】討論區版規（v1.0）歡迎你加入《幫緊里》討論區！呢度係一個屬於香港人嘅溫暖社群，大家可以喺異地互相支持、分享資訊、互通有無，一齊喺海外落地生根，茁壯成長。為咗維持良好社群氣氛，同時保護每位會員嘅權益，請大家務必遵守以下版規：
一、基本守則（人人都啱用）請用和諧、尊重語氣發言 尊重唔同意見，唔惡言相向，唔人身攻擊。文明用語，唔挑釁、唔鬧戰，大家講道理多啲。
嚴禁歧視及仇恨言論 包括但不限於性別、種族、宗教、性傾向、地域等歧視字眼，一律唔接受。
唔好洗版或重複貼文 務求版面清晰，唔好不停重覆Po同一樣嘢，亦唔好濫用emoji或無意義留言。
保持資訊真確可靠 分享前請自行Fact check，標明來源。避免散播謠言、誤導性資訊。
二、內容分類（請貼合主題）討論區設有多個分區，請選擇最適合分類Po文，方便大家搵資料：
新丁公會 & EMO急救室：生活適應、情緒支援、寂寞困難、開心唔開心都可以傾。
移民大道中：移民手續、簽證問題、政府資源分享等。
JobCC：搵工、招人、搵Freelance、宣傳個人服務、技能交換等。
小店推介 / 本地資源：介紹香港人開嘅生意、本地好去處、親子資訊、社區活動。
自由閒談區：打招呼、吹水、分享生活趣事、文化交流、移民反思。
之後會應大家要求再開外D唔同台....
三、廣告及推廣規範歡迎香港人開設嘅小店或服務適量推廣，但請選擇正確區域（例如JobCC或小店推介），每人每週最多貼文2次。
不得硬銷、洗版式宣傳或騙案行為，一經發現將即時刪文甚至封鎖。
如你係中介/移民顧問/收費服務提供者，請清晰列明身份、服務詳情、收費方式及聯絡方式，保持透明度。
四、私隱及安全嚴禁公開他人個人資料，包括真名、電話、地址、身份證明等。
切勿以任何形式詐騙、勒索或引誘他人提供金錢／敏感資訊，違者必報警處理。
五、社群精神：你一齊參與，就係最重要的養分呢度係由一班熱心香港人共同建構嘅平台，我哋相信「先付出，後收穫」，互相幫忙，齊齊向前。
發文時唔使太多顧慮，真誠就係最好嘅語言。
見到好資訊，唔好吝嗇，幫人等如幫自己。
六、違規處理辦法管理員有權刪除任何違反版規的貼文或留言，嚴重者將作出警告、禁言或封鎖帳戶處理。
如有爭議，管理團隊有最終決定權。
最後講句：每一棵樹都由一粒種子開始，呢個討論區亦然。 多謝你願意參與，期待你嘅灌溉，一齊令香港人喺澳洲社群愈來愈茂盛！
如你有任何建議或想成為義務管理員，歡迎隨時PM我哋團隊！